El lice[n]ciado don Fra[n]cisco Zapata, fiscal de V.A. dize, que ha visto la causa q[ue] se trata entre los dueños de barras, i Compradores de plata, i los papeles de Govierno que a ella se han acomulado, y toda se reduze a tres puntos principales. Uno sobre la baxa de ley, que los dichos Compradores han introduzido en las barras del Peru que han labrado. Otro, sobre lo que demas de la dicha baxa de ley han llevando los dichos Compradores a titulo de derechos, costas, i gastos de la labor de la moneda. Y otro sobre el modo que ha tenido i guardado en la dicha labor, i en dar a la moneda la ley que deve tener conforme a las reales ordenanças; en los quales dichos tres puntos, i casos, los dichos compradores han procedido con fraude, dolo, i paliacion, i han cometido varios delitos, i culpas dignos de punicion y castigo, i ai deven ser condenados