Describir: Caramuelis Praecursor logicus. Complectens grammaticam audacem cuius partes sunt tres : methodica, metrica, critica: quarum prima ab omnibus linguis praescindens disputat philosophice de artificio et secundis intentionibus artis grammaticae: de partibus orationis: de earumdem numero: de singularum qualitatibus, causis & usu [Hic corrigitur & reformatur veteris Scholae dialectus; & instituitur nova, disputationibus philosophicis & theologicis appositissima, subsistens brevibus & clarissimis regulis.] Secunda Disserit etiam philosophice de syllabarum natura et ingenio de principiis & causis intrinsecis: de accentu & loco: de magditudine, compositione, & propositione, de quantitate verâ & secundum dici, de motu, & primo motore, seu Deo. [Hîc clauditur tota philosophia naturalis, & multae controversiae curiosae & difficiles summâ claritate explicantur & dilucidantur: & praeparatur animus, ut sequentia omnia utiliter legere possit.] Tertia ausu generoso et felicini in omnes scientias nobiliores se insinuat, et ideis grammaticarum assertionum praeventa, examinat & tradit logicam, physicam, metaphysicam, & theologiam scholasticam moralemque: & illas pure grammaticis (adeoque certis, & cuivis puero notis) fundamentis subcollat, & merè litterariis exemplis & notitiis dilucidat. [Et hînc ingenioso lectori facillima & securissima clavis prorrigitur, ut possit inire omnes scientias, & in singulis intricatissimas difficultates solvere, & caecas quaestiones aperire.] Est opus breve, et omnino necessarium discipulis , qui ad rhetorica, aut forte à grammatica immediatè se conserunt ad philosophiam: in quo obscuras & graves controversias, tam de creaturis quàm decreatore, clarè & dilucidè evolutas invenies, quae implicantur interdum, ubi altiùs de rebus supremis tractatur